Benvidos e benvidas ao blogue de Agabel.




Os premiados (foto de @alorenzo.64)

No serán de onte celebrouse en Monforte a entrega dos Premios Irmandade do Libro na súa XXIII edición. Os agasallados este ano foron: 

Premio de Honra: Antonio Fernández Maira (Coordinador da Federación de Libreiros).
Mellor Autora do ano: Mª Xosé Queizán.
Mellor Centro Educativo na promoción da cultura: C.E.I.P. Quintela de Moaña.
Mellor Librería do ano: Librería Komic de Santiago.
Obra Editorial do ano: "Guías da Natureza" de editorial Baía.
Fomento da Lectura para a web "Galicia encantada".


A nova ten unha alegría engadida, xa que Isabel Vázquez Rosales (a "nosa" Isa) recolleu o merecido premio que lle concederon ao labor na súa biblioteca, a Biblioteca do Cole de Quintela. Parabéns!



Información recollida a través de  "Brétemas"





Xa está convocada a Asemblea Ordinaria de AGABEL para o vindeiro 13 de abril. Coma sempre, no Museo do Pobo Galego, en Compostela, a partires das 11.00 en primeira convocatoria, e das 11.30 en segunda. A partires das 12.30, e se a marcha do debate o permite, poderemos comezar a asemblea aberta á que nos comprometemos nos últimos Encontros do PLAMBE, xa que dispoñemos dun lugar axeitado para facelo. 

Durante a Asemblea discutirase o documento de AGABEL que resume a modo de decálogo a nosa presenza no mundo das bibliotecas escolares, e que reivindica melloras para o traballo dos responsables e o seu equipo nos centros de ensino. Podes consultalo aquí.

;;
Agabel - Designer: Douglas Bowman | Dimodifikasi oleh Abdul Munir Original Posting Rounders 3 Column