Agabel

As novas bibliotecas escolares galegas

2011-11-16T06:28:00.001-08:00

Este vídeo foi rodado en centros do Plan de mellora de bibliotecas escolares de diferentes recunchos de Galicia, e presentouse no Congreso Bibliotecas Escolares en Tránsito, celebrado en Compostela os días 10, 11 e 12 de novembro, organizado pola Consellería de Educación en colaboración co Ministerio de Educación.
As imaxes exemplifican a distribución de espazos nas novas bibliotecas, e algunhas das actividades que o alumnado realiza nelas día tras día.

Texto e vídeo vía Bibliotecas escolares de Galicia.

Manifesto conxunto de protesta ante o borrador de Formación do Profesorado

2011-05-31T11:59:00.000-07:00

MANIFESTO CONXUNTO DAS BIBLIOTECAS ESCOLARES DE GALICIA

Ante a previsible retirada de formadores específicos no ámbito das bibliotecas escolares no Servizo de Formación do Profesorado, no Centro Autonómico de Formación e Innovación e nos centros de formación e recursos dependentes da Dirección Xeral de Educación, Formación Profesional e Innovación Educativa, segundo o borrador da orde que convocará concurso público de méritos para cubrir postos de persoas directoras e asesoras nestes centros queremos manifestar o seguinte:

A insoportable levedade das bibliotecas escolares galegas

Hai proxectos que nacen marcados pola vulnerabilidade e a razón desta circunstancia non ten nada que ver coa falta de rigor ou a pouca entrega das persoas que os poñen en marcha. Máis ben ten que ver co feito de que nacen destinados a nadar contra corrente. Con todo, esa é a principal razón da súa existencia: xorden porque responden a unha necesidade non satisfeita pero compartida por un número crecente de persoas que senten que é posible compartir e facer viable o proxecto xuntos. Así naceu o movemento que cristalizou na iniciativa que todos coñecemos como PLAMBE. De xeito que dende hai algúns anos, esa iniciativa levou o mellor da creatividade e o esforzo de moitos docentes que xenerosamente regalaron o seu tempo e a súa capacidade de formar equipos e ilusionar a outros docentes en centros e centros de toda a nosa comunidade. Xuntos aprendemos a ser rigorosos e esixentes nos nosos proxectos, a crear espazos de aprendizaxe colaborativo, de cambios de estratexia, de achegamento ás novas tecnoloxías, de racionalización na xestión da información. Que ninguén se equivoque: os responsables das bibliotecas escolares non son seres evanescentes perdidos en vanas quimeras que tentan “roubar” horas a materias “importantes” para que o alumnado esmoreza entre mundos de ficción. Nada máis lonxe da realidade. Nun centro onde hai un equipo que xestiona a biblioteca de forma eficaz nótase. Os fondos adquírense con criterio, establécense acordos para xestionar a información, créanse espazos de colaboración e docencia compartida. Non é doado porque a maquinaria educativa ten unhas inercias difíciles de combater. A pesar de todo, estes docentes fórmanse e exercen a súa dura misión en horas non retribuídas, roubadas ás súas familias, ao descanso, ao lecer. Fomos coordinados con rigor e seriedade pola Asesoría de Bibliotecas Escolares pero sempre nos faltou o marco legal axeitado. A nosa misión é dura porque queda moito por definir. Na nosa inxenuidade e boa fe esperabamos conseguir progresivamente tempos e formación para seguir mellorando na nosa función se demostrabamos que eramos rigorosos e eficaces. Os nosos méritos como colectivo son dabondo coñecidos polos nosos gobernantes e acreditados por diferentes administracións e ámbitos a nivel estatal. Os numerosos e constantes premios anuais de boas prácticas concedidos polo Ministerio de Educación y Ciencia non caeron do ceo. Durante todos estes anos a formación recibida foi fundamental para levar a cabo actuacións rigorosas e enfocadas na dirección correcta.

Sabemos das cuantiosas axudas que a Dirección Xeral de Educación, Formación Profesional e Innovación Educativa, destina a outros proxectos, dos incentivos para a elaboración de contidos dixitais por parte das empresas editoriais, entre outras iniciativas. Non sería tamén interesante fomentar a produción de materiais propios e promover desde cada centro a estandarización de procedementos que axuden a xestionar a información entre o noso alumnado sen confiar todo a eses materiais externos que proceden da industria editorial, por valiosos que poidan ser? Por que non seguir aproveitando a experiencia e valía dos equipos das bibliotecas escolares nestes cometidos?. O noso empeño sempre foi crear nos centros pequenos focos que tentan estender esas boas prácticas de innovación e excelencia. Non entendemos este novo e repentino xiro na política de formación desta Dirección Xeral. Non nos parece xusto posto que, podemos dicir honestamente que, pola nosa banda, cumprimos con fartura. Ao desmantelar as estruturas que nos sosteñen o deterioro será proporcional ao entusiasmo e o esforzo investidos: inmenso e imparable. Algúns lembramos como o noso Conselleiro lanzou un bico ao aire ao despedirse dos asistentes aos últimos encontros despois dunhas entusiastas palabras de eloxio polos éxitos logrados polas bibliotecas escolares galegas a nivel estatal. Onde quedou ese entusiamo? Que interpretación debemos facer? O noso país pode permitirse tirar pola borda todo este traballo? E nós?. En que situación quedaremos agora diante das nosas comunidades educativas se despois de tanta insistencia é a propria Consellería a que nos invisibiliza?.

Protesta ante o borrador da Orde de Formación do Profesorado

2011-05-27T12:28:00.000-07:00

O seguinte texto foi enviado ao Conselleiro, ao Director Xeral de Centros e ao Director Xeral de Educación ante a supresión das asesorías de Bibliotecas Escolares nos distintos ámbito da formación do profesorado:

Coñecido por vía sindical o borrador da orde para cubrir postos de asesores/as de formación do profesorado, a Asociación Galega polas Bibliotecas Escolares e a Lectura (AGABEL) quérelle manifestar o seguinte:

1º Desde hai once anos, a situación das Bibliotecas Escolares galegas foi, paseniñamente, mellorando. Doues exemplos poden ser a creación da Asesoría nos servizos centrais ou o desenvolvemento do Plan de Mellora.

2º Hai un recoñecemento no Estado á situación actual das Bibliotecas Escolares de Galicia tal e como demostra a cantidade dos premios do Ministerio recoñecendo as boas prácticas que se desenvolven nelas e das que a Consellería presume na súa páxina web.

3º Como vostede ben coñece son aínda moitas as nosas reivindicacións para acadar que as Bibliotecas Escolares ofrezan un servizo de calidade nos nosos centros educativos.

4º Desde que o actual equipo da Consellería está exercendo as súas competencias, o número de asesorías de Bibliotecas Escolares nos distintos Centros de Formación vai diminuíndo.

5º Non hai ningún outro ámbito da docencia que demande tanta formación como as Bibliotecas Escolares, como vostede ben puido comprobar nos distintos Encontros ou Xornadas ás que xa tivo a oportunidade de asistir.

6º Con este borrador dáse o primeiro gran paso atrás nas Bibliotecas Escolares desde que o conselleiro Celso Currás nos recibira por primeira vez hai xa máis de dez anos.

7º Consideramos un verdadeiro ataque frontal ás Bibliotecas Escolares a ausencia de asesorías específicas neste ámbito no citado borrador. Sen formación non pode haber melloría. Sen formación, sen asesores/as específicos, non se pode garantir ningún avance na calidade do servizo que prestamos.

8º Urxímoslle a que faga todo o posible para incluír tanto no Servizo de Formación do Profesorado, no Centro Autonómico de Formación e Innovación, como en todos os Centros de Formación e Recursos, unha praza de Bibliotecas Escolares.

É este o recoñecemento que se da ás bibliotecas escolares para que sexa un dos factores que favorezan a calidade do ensino que menciona a LOE no seu artigo 2.2?
Por último, nos preguntamos onde quedaron o espazo e a consideración que o Conselleiro de Educación daba ás bibliotecas hai algo mais dun ano na súa comparecencia no Parlamento de Galicia para explicar a situación actual das Bibliotecas Escolares e a presentación do plan LIA (Lectura, Información e Aprendizaxe).

Entrevista co Director Xeral de Educación.

2011-05-24T05:21:00.000-07:00

En setembro de 2010 mantiveramos unha primeira xuntanza co actual Director Xeral de Educación a pesar de que as bibliotecas escolares dependen organicamente da Dirección Xeral de Centros e Recursos Humanos. Naquela reunión quedárase en volver a manter, nun breve prazo, outra posto que o Director Xeral comprometérase a darnos nova información. Habida conta que esa nova información non se produciu no tempo comprometido e que se publicou un novo Regulamento Orgánico dos conservatorios de música e danza (Decreto 223/2010, do 30 de decembro) onde a situación das bibliotecas afectadas non fora mellorada con respecto ao borrador, decidimos solicitar outra entrevista o de xaneiro.

O pasado 18 de maio, tras un aprazamento non imputable á Consellería, o Presidente de AGABEL e unha socia, estivemos charlando durante unha media hora co Director Xeral. Coma na xuntanza anterior, a reunión desenvolveuse nun ambiente cordial e sincero. Foi máis breve e rápida ca anterior.

Repasamos as nosas reivindicacións como colectivo (coñéceas perfectamente) e afondamos en temas de actualidade:
-Situación dos Regulamentos Orgánicos de Centros: xa foron publicados dous decretos: no primeiro a biblioteca practicamente non existe (o xa citado Decreto 223/2010, do 30 de decembro ) e no segundo (DECRETO 77/2011, do 7 de abril, polo que se establece o Regulamento orgánico dos centros integrados de formación profesional) aparece dun xeito mellor que no borrador mais sen garantir a formación do seu responsable e sen garantir un tempo mínimo de dedicación. Sobre os regulamentos de Infantil, Primaria e Secundaria comentounos que se está a espera da aprobación da Lei de Convivencia para desenvolvela (non obtivemos ningún compromiso)

-Tamén nos comenta que no desenvolvemento dos anunciados Contratos-programas haberá un apartado específico para a lectura.

-Sobre as asesorías de bibliotecas escolares nos CFR, contounos que axiña será publicada a normativa que desenvolverá o novo decreto de formación (DECRETO 74/2011, do 14 de abril). Ante a nosa insistencia, volverá estudar a posible presenza dunha asesoría no novo centro de formación Centro Autonómico de Formación e Innovación xa que ata ese día tal asesoría especifica de bibliotecas escolares non estaba contemplada.

-Sobre introducir mobiliario axeitado para bibliotecas escolares no catálogo de equipamento da Consellería, pediunos que lle remitíramos algún estudo técnico ao respecto e que tramitaríao á Secretaría Xeral da Consellería.

A valoración persoal desta xuntanza farémola na vindeira asemblea da asociación.

Galería de esteoreotipos: a bibliotecaria

2011-03-26T01:25:00.000-07:00

LIPDUB da Biblioteca dop IES de Fonsagrada

2011-03-14T13:56:00.000-07:00

Desde o blog Afonsa le e conta da biblioteca do IES Fontem Albei da Fonsagrada, chéganos este impresionante vídeo. Parabéns.

Migel Calvillo: A escola bibliotecaria

2011-02-15T23:14:00.000-08:00

Proyectos documentales: de la biblioteca escolar a la escuela bibliotecaria

View more presentations from Miguel Calvillo.

Non deixedes de visitar o blog de Miguel Calvillo.

Solicitude entrevista ante a publicación do ROc dos conservatorios

2011-01-27T05:09:00.000-08:00

Comunicación enviada a José Luis Mira, Director Xeral de Educación, F.P. e I.E.

Estimado Director Xeral:

O pasado 9 de setembro dous membros de AGABEL (Asociación Galega polas Bibliotecas Escolares e a Lectura) mantivemos con vostede unha entrevista na que lle manifestáramos a nosa preocupación polos borradores que íamos coñecendo dos regulamentos orgánicos de centros.
Agora vemos con preocupación que no DOG do pasado 19 de xaneiro publicouse o Decreto 223/2010, do 30 de decembro, polo que se establece o Regulamento orgánico dos conservatorios elementais e profesionais de música e de danza. En canto afecta ás bibliotecas destes centros educativos non houbo ningunha modificación entre o borrador e o decreto, motivo polo cal maniféstolle, en nome de AGABEL, en primeiro lugar a miña decepción, na medida que coñecendo a opinión da Asociación que presido non se fixo caso a ningunha das súas propostas, e ,en segundo lugar, a grave preocupación polos regulamentos orgánicos de centros que aínda restan por ser aprobados ante o temor que se aproben tal e como figuraban nos borradores.
Quixera, igualmente, lembralle que na entrevista do 9 de setembro quedáramos citados para nun prazo dun mes volver a ter algún contacto, motivo polo cal reitérolle, como xa fixera previamente por liña telefónica, a petición de manter con vostede algún tipo de comunicación (en persoa ou telefonicamente).

Sen outro particular, reciba un cordial saúdo.
27 de xaneiro de 2011

A lectura segundo as bibliotecas de Finlandia

2011-01-20T04:26:00.000-08:00

10 RAZÕES QUE COLOCAM AS BIBLIOTECAS ESCOLARES NA LINHA DA FRENTE

2011-01-04T11:53:00.001-08:00

ACREDITO que estas são as 10 RAZÕES que colocam as BIBLIOTECAS ESCOLARES na LINHA da FRENTE:

* são INDISPENSÁVEIS para DESENVOLVER o ESPÍRITO CRÍTICO na SI
* tornam as ESCOLAS MELHORES
* contribuem para o SUCESSO ESCOLAR
* aumentam a CULTURA dos ALUNOS
* tornam os ALUNOS mais COMPETENTES em LITERACIAS várias
* promovem a LEITURA
* são espaços de INOVAÇÃO
* colocam as NOVAS TECNOLOGIAS ao ALCANCE de TODOS
* estão na LINHA da FRENTE na DIFUSÃO de INFORMAÇÃO
* fomentam PARCERIAS, REDES e TRABALHO ARTICULADO DENTRO e FORA da ESCOLA

Sabemos que as medidas governativas, na área das educação, vão agravar, significativamente, as condições de funcionamento das escolas e, em especial, vão tornar o trabalho dos professores bibliotecários bastante difícil e esta circusntância tem que ser enfrentada com a determinação de não penalizar (ainda mais) os alunos (já com situações familiares complicadas), mobilizando-se o capital de recursos e conhecimentos acumulados para garantir os 10 princípios atrás enunciados.

Copiado de Bibliotecar.

Libroburro

2010-12-26T00:24:00.000-08:00

Premios do Ministerio 2010

2010-12-15T08:01:00.000-08:00

O Ministerio d Educación acaba de resolver a convocatoria do Concurso Nacional de Boas Prácticas para a Dinamización e Innovación das Bibliotecas Escolares 2010. Como non podía ser doutro xeito, Galicia ficou moi ben representada:

INFANTIL / PRIMARIA
1º PREMIO
• CRA Mestra Clara Torres.Tui (Pontevedra)

2º PREMIO
• CPI Tino Grandio. Guntín (Lugo)
• CEIP de Cervo. Cervo (Lugo)

3º PREMIO
• CEIP Os Muíños. Muxía (A Coruña)
• CEIP Quintela. Moaña (Pontevedra)

PREMIOS SECUNDARIA
2º PREMIO
• IES de Fene. Fene ( A Coruña)
IES Monterroso.Monterroso (Lugo)

3º PREMIO
• IES Manuel Antonio. Vigo (Pontevedra)

Parabéns a todos os centros, ás súas comunidades educativas e, especialmente ás persoas que fixeron posible este importante recoñecemento e para os socios e socias de AGABEL.

Tempo agasallado

2010-11-01T10:14:00.000-07:00

Entrevista publicada no xornal Galicia Hoxe o pasado 30 de outubro de 2010.

O tempo agasallado
A xa histórica reivindicación da creación da figura da persoa responsable das bibliotecas escolares segue sen ser atendida pola Xunta

"Avanzamos moito, pero nos temas clave estamos igual que cando empezamos hai dez anos, e iso produce xa certo esgotamento. A nosa principal reivindicación é que sexa regulado un tempo de dedicación ás bibliotecas, que estamos asumindo os profesores, na maioría dos casos, de xeito voluntario e sen redución da nosa carga de traballo". Así resume o presidente da da Asociación Galega polas Bibliotecas Escolares e a Lectura (Agabel), Antonio Martínez, a situación no sector, que este fin de semana celebra en Santiago un encontro, Variacións sobre a lectura, que reúne a máis 1.000 persoas.

"É importante lembrar que foi AGABEL a que demandou a creación dunha asesoría de bibliotecas escolares e a que reclamou a posta en funcionamento dun plan de mellora das mesmas", sinala este colectivo no seu documento de reivindicacións. Entre os avances, sinalan os recollidos en diferentes normativas, como a LOE, que alude, por primeira vez, expresamente ás bibliotecas escolares, ou os plans e ectividades sobre a lectura realizadas polas consellerías de Educación e Cultura, que son "moitos", salienta Martínez. "Temos que pensar que non sempre o Ministerio marca uns vieiros aceptables e Galicia ten competencias de seu para establecer un marco normativo máis axeitado", engade o documento, que demanda a regulación do modelo de Biblioteca Escolar para todos os centros de ensino, a creación da figura da persoa responsable da biblioteca escolar cunha redución suficiente da súa carga lectiva e a formación precisa, a creación do Departamento da Biblioteca Escolar para garantir a asignación de recursos económicos en todos os centros; a inclusión de mobiliario "axeitado" no catálogo de equipamento da Consellería, a mudanza dos parámetros sobre superficies mínimas.

"Nalgúns aspectos as bibliotecas escolares galegas están entre as mellores de España: por exemplo, no uso de internet: as bibliotecas teñen blogs, están nas redes sociais... O Plan de Mellora das Bibliotecas, que é galego pero tamén recibe apoio do Ministerio, é un referente a escala estatal, e cada vez inclúe máis centros. O Plan LÍA 2010-2015 polo momento está baleiro de contidos. Inclúe as actividades que xa viña facendo a consellaría, que son moitas. Pero o máis importante é que nos dean tempo para traballar nas bibliotecas", di.

En canto aos recortes para dotación das bibliotecas, comenta que "os centros teñen autonomía financieira, polo que do diñeiro que reciben deciden canto vai para a biblioteca. Agás os centros que están no Plan de Mellora, que son un terzo do total", subliñou.

O subdirector xeral de Centros, Francisco Castro, inaugurou onte o encontro de bibliotecas escolares, organizado pola Consellería de Educación. Na xornada de hoxe intervirán os editores Manuel Bragado e Javier Celaya.

Mes Internacional da Biblioteca Escolar

2010-10-02T09:57:00.000-07:00

Lido no blog de Miguel Calvillo:

O venres comeza o Mes Internacional da Biblioteca Escolar. Desde 2007, IASL (International Association of School Librarianship) estableceu o mes de outubro, substituíndo o día fixo, elección que deixou a cada cal. Non vexo este ano cartel anunciador, pero si temos lema: O desafío de atender á diversidade: Bibliotecas escolares para todos.
Non se se son tempos bos ou malos para a Biblioteca Escolar, talvez confórmome simplemente porque seguen na brecha (espero que non na brecha dixital aínda que mo temo). E así xorden cambios ou avances nas decisións de política educativa. Vexo, por exemplo, que Estremadura se estrea este ano con axudas variadas en tres liñas diferentes, incentivando os proxectos de lectura e os plans de uso da biblioteca escolar axudados por unha dotación económica que en ocasións promete ser cuantiosa. En Andalucía, non se renovou o Plan de Lectura y Biblioteca, que podemos dar por terminado, a pesar de ser o Plan máis recente, co que ten a marca de menor duración. No seu lugar xeneralizouse a figura do Responsable de Biblioteca Escolar, con recoñecemento horario reducido a través dunhas Instrucións para este curso. Os proxectos de lectura desapareceron en Andalucía en beneficio dos proxectos lingüísticos, denominación que se privilexia agora engadindo as funcións do proxecto lector ao curriculum integrado das linguas e a planificación lingüística.

Entrevista co Director Xeral de Educación

2010-09-13T10:28:00.000-07:00

Entrevista con José Luís Mira Lema, Director Xeral de Educación, Formación Profesional e Innovación Educativa.

O pasado 9 de setembro pola tarde dúas persoas de AGABEL (o presidente e unha socia de Santiago) fomos recibidos polo Director Xeral de Educación. A entrevista fora solicitada meses atrás ante a preocupación que nos produciron os borradores de Regulamentos Orgánicos de Centros de Ensinanzas Especiais que se deran a coñecer e porque algúns dos temas que nos preocupan son da súa competencia e non da Dirección Xeral de Centros da que dependen directamente as bibliotecas Escolares.

A entrevista foi breve e concisa, mantida nun ambiente agradábel e sincero. Tras ler o Director Xeral as nosas sabidas reivindicacións (Orde que regule todo o referido á biblioteca escolar, ROCs, tempo de dedicación á biblioteca, recoñecemento administrativo do responsable da biblioteca, decreto de espazos mínimos, mobiliario, asesores/as dos CFRs de bibliotecas….) e proceder, pola nosa banda, a unha breve explicación das mesmas, o Director Xeral comprometeuse a que nun breve espazo de tempo (primeira semana de ou turbo) teríamos información relativa ás mesmas.

Tan só abordou un tema algo polo miudo que foi a práctica carencia de asesores/as de bibliotecas escolares nos CFRs para o vindeiro curso. Dixonos que axiña será publicado un decreto que modificará todos os perfís das asesorías.

A intención do Director Xeral é a de coñecer polo miúdo a situación actual das bibliotecas escolares galegas para logo poder tomar as decisión que se podan. Para iso pensa en crear un grupo de traballo con xente da Consellería e outros expertos. Insistiu nas dificultades existentes para gastar máis cartos.

Como vedes, non facemos valoracións da entrevista, tan só vos damos a información da mesma.

Agardaremos ata a primeira semana de outubro para ter un novo contacto con José L. Mira Lema.

Un claustro docente animando a ler

2010-07-14T12:55:00.000-07:00

Visto en Trafegando Ronseis

Glória Durban. La biblioteca escolar, hoy

2010-07-04T04:24:00.001-07:00

Glória Durban Roca. La biblioteca escolar, hoy. Un recurso estratégico para el centro.Barcelona, Graó, 2010.

A autora, persoa con experiencia nas bibliotecas escolares, dinamizadora da importancia deste servizo educativo e de recoñecido prestixio, ven de publicar a súa primeira monografía. Na contraportada podemos ler:

"Este libro describe e argumenta os aspectos máis relevantes que na actualidade configuran a conceptualización da biblioteca escolar como un recurso educativo imprescindible para a promoción da cultura escrita e o desenvolvemento das competencias básicas. Nel abórdase unha visión clara e renovada da biblioteca escolar que pretende xustificar a súa existencia á luz non só dos cambios sociais que a cultura dixital provocou nos usos da información e as prácticas lectoras senón principalmente en relación coas necesidades xeradas no aula polo novo marco competencial".

Ademais o libro ofrece reflexións de calado. Lede o seguinte parágrafo:
"Es cierto que han sido muchos los que han considerado de manera idealista la biblioteca escolar como el motor de la escuela, generadora de cambios educativos; al igual que también otros –tecnólogos e informáticos- han conceptualizado del mismo modo la función de las nuevas tecnologías en su reciente implementación. Éstas son posiciones poco realistas y que llevan necesariamente al desánimo en la práctica, porque no visualizan que el verdadero cambio metodológico y la mejora real de la enseñanza pasa únicamente por la acción del profesorado, por su actitud y su profesionalidad." (pp. 8-9)

Con Glória tivemos a oportunidade de compartir varias xornadas tanto en Galicia como fóra. Témos admiración polo seu traballo e pola súa persoa, sempre disposta a colaborar, compartir e aprender. Se non a coñecedes visitade a páxina que pon á vosa disposición: Bescolar.

Campaña de fomento da lectura

2010-06-27T12:22:00.000-07:00

Visto en Biblioafonso .

Nova Biblioteca Central de Helsinky

2010-06-22T12:25:00.000-07:00

A Biblioteca Central de Helsinki vén de distribuír este vídeo onde, coma un conto, explica como foi medrando o país até chegar ao proxecto de construción da Biblioteca Central, un centro de cultura, entretemento, ocio e traballo, pensado para recibir máis de cinco mil visitas cada día. Unha biblioteca que é o tronco dunha árbore e as súas pólas son as actividades do pobo.
Nós aínda andamos na loita de demostrar que a biblioteca escolar é o tronco do centro educativo.

Novamente, unha lección que vén do norte: a importancia da cultura por riba de todo. O que nos cómpre no noso país.

Texto procedente de Trafegando Ronseis.

Salvade as Bibliotecas Escolares!!!

2010-06-17T11:43:00.000-07:00

En Estados Unidos berran ¡salvade as bibliotecas escolares! probablemente, porque existen, porque o normal é que os centros teñan bibliotecas e bibliotecarios escolares. Noutros lugares habería que berrar mais ben que as creasen.

Non sei se son bos tempos para as bibliotecas escolares, pero parece que polo menos incertos. O vídeo pretende dramatizar unha situación posible se os recortes orzamentarios chegasen a colapsar os servizos. Un vídeo coidado e curioso, onde vemos as funcións da biblioteca escolar en todas as súas dimensións, desde o estudo asistido ao simple entretemento ou ao uso da biblioteca escolar como lugar de refuxio para o que a usa certo alumnado. Unha panoplia de funcións que dificilmente figuran ás veces nas funcións tópicas e típicas dunha biblioteca escolar e que constitúen parte da súa grandeza.

Tradución do vídeo:
Bibliotecas sanguentas
“As bibliotecas son fundamentais para o logro do estudante. A colección apoia o currículo e proporciona unha rica variedade de recursos de lectura a todos os estudantes e profesores.
“Regras da Biblioteca. Faga algo produtivo. Permita que outras persoas sexan produtivas. Sexa respectuoso coas demais persoas e os seus bens”.
Os distritos escolares en todo Estados Unidos están pechando coleccións. O valor dos activos da colección dun distrito escolar extenso pode superar os 300 millóns de dólares. Unha biblioteca pechada sen un bibliotecario será desposuída dos seus recursos e acabará desaparecendo. A clausura de bibliotecas escolares será unha catástrofe educativa e un desastre financiero”.
Unha dramatización do que sucederá cando os recortes orzamentarios mal concibidos pechen as bibliotecas escolares.

Bleeding Libraries from Laura Graff on Vimeo.

Texto e vídeo procedente do Blog de Miguel Calvillo. Grazas

ROCs: novas esperanzadoras

2010-06-08T09:45:00.000-07:00

Nas xuntanzas dos pasado 2 e 3 xuño da Mesa Sectorial discutíronse os borradores dos Regulamentos Orgánicos de Centros Integrados de F.P e das Escolares de Artes e Superiores de Deseño. A CIG tivo a ben levar a dita xuntanza as nosas propostas e cunha esperanzadora receptividade pola Dirección Xeral.

Ista é a información proporcionada pola CIG:

"ALEGACIÓNS DA CIG ENSINO AO PROXECTO DE DECRETO POLO QUE SE ESTABLECE O REGULAMENTO ORGÁNICO DOS CENTROS INTEGRADOS DE FORMACIÓN PROFESIONAL
Capítulo IV. Órganos de coordinación:
Biblioteca:
Para nós desde logo unha cuestión central que haxa unha persoa responsábel de biblioteca con redución horaria, redución que haberá que establecer en función do número de usuarios da biblioteca (fundamentalmente profesorado e alumnado).
-Dentro dos ROCs debe contemplarse un plan de biblioteca que fixará obxectivos curriculares, un plan de fomento de lectura e un plan de apoio á aprendizaxe, que deberán ser incluídos no (Proxecto Educativo do Centro) Plan e na memoria anual do centro.
-Debe crearse o departamento de Biblioteca (capítulo IV órganos de coordinación) con dotación orzamentaria propia, como calquera outro departamento didáctico, (debería ser un 10% do orzamento total do centro). Deberán contar cun fondo documental adecuado e actualizado así como con instalacións e equipamentos apropiados as súas funcións, que aseguren o libre acceso aos fondos por parte dos/as usuarios/as.

A biblioteca deberá contar con fondos bibliográficos, fonográficos, videográficos e material didáctico en galego aplicábel a diferentes áreas.
-O departamento de biblioteca contará cun equipo constituído por profesorado dos diferentes departamentos.
-Crearase a figura do responsábel de biblioteca, que deberá ter unha redución horaria axeitada, como a que se propón para as xefaturas de departamento, de entre 3 e 6 horas.
-Contemplarase o funcionamento en rede das bibliotecas escolares, a nivel municipal, comarcal e nacional
A Consellaría responde que teñen que van incluír a coordinación da biblioteca coas funcións que lle correspondan. O resto das propostas recolleranas soamente se o consideran necesario".

Información sobre o ROC dos Centros Integrados de FP.
Información sobre o ROC da Escolas de Artes e Superiores de Deseño.

Entrevista co Director Xeral de Centros

2010-06-03T10:50:00.000-07:00

O pasado 2 de xuño, O Presidente de AGABEL e unha socia, fomos recibidos polo Director Xeral de Centros e Recursos Humanos, José Manuel Pinal Rodríguez. A entrevista fora solicitada en novembro, tal e como se comprometerá hai xusto un ano, e foisenos concedida tras pedirlle outra ao Conselleiro (temos solicitada outra co Director Xeral de Educación, responsable dos ROCs). Na entrevista estiveron presentes as asesoras de Bibliotecas Escolares Cristina Novoa e Pilar Sampedro.

Despois de aclararnos os motivos do retraso na entrevista (moito traballo na Consellería) charlamos durante una hora nun clima de cordialidade.

De xeito resumido abordamos os seguintes temas:
-Comezamos pedíndolle que transmita ao Conselleiro os nosos parabéns por ser o primeiro en levar, nunha Orde do Día, o tema da Bibliotecas Escolares ao Parlamento de Galicia (disto xa vos temos informados/as). Logo lle comentamos que agardábamos algo máis concreto e positivo da súa intervención.

A partir de aquí repasamos os temas abordados na xuntanza do 18 de xuño de 2009 para ver que avances houbo.

-Insistimos na necesidade dunha Orde que regule o modelo da Biblioteca Escolar para todos os centros educativos de Galicia e non só unhas “Orientacións” para os centros do Plan de Mellora.
-Insistimos na modificación dos Regulamentos Orgánicos de Centros para que a persoa responsable da Biblioteca conte coa dedicación horaria suficiente e se cree o Departamento da Biblioteca Escolar. Ademais amosamos a nosa disconformidade cós borradores de ROCs coñecidos ata o momento. Nos indica que desde a súa Dirección Xeral fixeron aportacións para mellorar a situación das Bibliotecas nos borradores coñecidos.
-Pedimos garantía da extensión e a continuidade do PLAMBE. Díxomos que que está convocado para o curso 2010-11 e que como é unha medida cofinanciada co Ministerio agardan novas concretas posto que para o 2011-12 haberá fondos.
-Insistimos que a Consellería adquira mobiliario específico de bibliotecas. Non avanzamos nada nun ano.
-Solicitamos que a Consellería mellore o decreto 132/2010 do Ministerio que regula as superficies mínimas (75 metros cadrados nas Bibliotecas) para os centros de nova creación.
-Insistimos na necesidade do recoñecemento administrativo do traballo desenvolvido nas Bibliotecas Escolares.
-Pedimos a extensión das Asesorías de Bibliotecas Escolares a todos os CFR. Tendo en conta que en 2010 amortizouse a praza da asesoría de Bibliotecas Escolares da Coruña e que neste curso se xubila o asesor de Vigo, manifestamos a nosa preocupación polo retroceso habido. Insistimos na necesidade da formación e dos asesores de Bibliotecas Escolares.
-Reiteramos a necesidade de aumento de persoal da Asesoría de Bibliotecas Escolares da Subdirección Xeral de Centros.

Ningunha das cuestións formuladas pareceulle carente de sentido ao Director Xeral pero insistiu que o contexto económico cambiou radicalmente desde hai un ano polo que non poderá haber redución da carga lectiva para o profesorado que leve a Biblioteca. Algúns dos asuntos formulados (formación, ROC...) son da outra Dirección Xeral. Transmitirallos.

Finalmente preguntamos polo PLAN LIA. Díxonos que no terceiro trimestre deste ano facilitarase información.

Quedamos en volvernos ver dentro dalgún tempo.

Sobre o borrador de ROC dos Centro Integrados de Formación Profesional

2010-05-30T23:01:00.000-07:00

Respecto das bibliotecas escolares, a LOE establece que:

Art. 2.2.
Los poderes públicos prestarán una atención prioritaria al conjunto de factores que favorecen la calidad de la enseñanza y, en especial, la cualificación y formación del profesorado, su trabajo en equipo, la dotación de recursos educativos, la investigación, la experimentación y la renovación educativa, el fomento de la lectura y el uso de bibliotecas, la autonomía pedagógica, organizativa y de gestión, la función directiva, la orientación educativa y profesional, la inspección educativa y la evaluación.

Art. 113. Bibliotecas escolares.
1. Los centros de enseñanza dispondrán de una biblioteca escolar.
2. Las Administraciones educativas completarán la dotación de las bibliotecas de los centros públicos de permita alcanzar dicho objetivo dentro del periodo de implantación de la presente Ley.
3. Las bibliotecas escolares contribuirán a fomentar la lectura y a que el alumno acceda a la información y otros recursos para el aprendizaje de las demás áreas y materias y pueda formarse en el uso crítico de los mismos.
4. La organización de las bibliotecas escolares deberá permitir que funcionen como un espacio abierto a la comunidad educativa de los centros respectivos.
5. Los centros podrán llegar a acuerdos con los municipios respectivos, para el uso de bibliotecas municipales con las finalidades previstas en este artículo.

Fronte a isto, no borrador do Regulamento Orgánico dos centros integrados de formación profesional da comunidade autónoma galega as bibliotecas só destacan pola súa ausencia: tan só se menciona nos artigos 28.2.i e 38.i no marco das funcións do departamento de dinamización de idiomas e do/a coordinador/a de TIC’s respectivamente.

Tampouco parece que a ausencia da biblioteca na estrutura organizativa do centro responda a obxectivos relacionados coa optimización dos recursos humanos e co aforro en canto á creación de cargos que conlevan un complemento económico, xa que no organigrama establecido neste borrador hai un departamento por cada familia profesional, 6 departamentos de diversas competencias, un equipo de dinamización da lingua galega e unha comisión de seguridade e saúde laboral. En definitiva, créanse como mínimo 9 departamentos/comisións (pode haber máis en función do número de familias profesionais) independentemente das características en canto a número de alumnado, dispersión de familias profesionais… e ningunha delas está dedicada especificamente á xestión e dinamización da biblioteca. Pola contra, as funcións específicas da biblioteca asígnanse ao departamento de dinamización de idiomas: “Xestionar, dinamizar e manter a biblioteca do centro integrado, promovéndoa como un espazo común, de acordo co coordinador ou a coordinadora de tecnoloxía da información e a comunicación” (art. 28.2.i) ¿Coherencia organizativa?

Créanse tamén varias figuras de coordinación (emprendemento, programas europeos, TIC, innovación e formación do profesorado) pero ningunha ten como área específica de traballo a biblioteca. Ao sumo a coordinación deTIC ten como función “Promover a biblioteca como un espazo común, de uso e intercambio de experiencias das tecnoloxías da información e da comunicación” (art. 38.i).

A biblioteca queda por tanto perdida nunha maraña de departamentos e coordinacións. A súa xestión, dinamización e mantemento está a cargo do departamento de dinamización de idiomas, que á súa vez depende organicamente da xefatura da área de formación, e colabora co/a coordinador/a de TICs, que depende organicamente da xefatura da área de calidade, innovación e orientación profesional, para promoción da biblioteca como espazo de uso e intercambio de experiencias das TIC.

Postas así as cousas cabe preguntar quen vai facer realmente o traballo da biblioteca: seleccionar e adquirir os fondos, catalogalos, organizalos, difundilos, promover os procesos de aprendizaxe relacionados coa busca de información… ¿É este o recoñecemento que se da ás bibliotecas escolares para que sexa un dos factores que favorecen a calidade de ensinanza que menciona a LOE no seu artigo 2.2?

As Bibliotecas Escolares no Parlamento de Galicia

2010-05-12T05:58:00.000-07:00

Invitados polo Grupo Parlamentar do BNG, AGABEL asistíu á sesión plenaria do 11 de maio que tiña na Orde do día a comparecencia a iniciativa do Conselleiro de Educación e Ordenación Universitaria, don Jesús Vázquez Abad “para informar sobre a situación das bibliotecas escolares en Galicia e a súa contribución á lectura e á aprendizaxe” (Publicación da iniciativa, BOPG núm. 204, do 06.04.2010)

Toda a sesión en vídeo.

Resume das comparecencias.
Xesús Vázquez Abad, Conselleiro de Educación e O.U.
Centra a primeira parte da intervención en analizar a situación actual das Bibliotecas Escolares de Galicia (en adiante B.E.). Fai un recoñecemento público do labor realizado polos docentes responsables das BE e das Comunidade Educativas. Valora a importancia do seu traballo e destaca a necesidade de que as BE teñan visibilidade na lexislación. Fai un compromiso público para que as BE sirvan para o proceso de ensinanza-aprendizaxe, desenvolvendo un modelo teórico das mesmas, aludindo ás competencias básicas, lectura, compensación de desigualdades, como espazo de convivencia…. Cualifica as BE como “un asunto relevante” no eido educativo.
Manifesta que se debe consolidar e “estabilizar” o bo labor xa realizado, aludindo ao pasado (creación da Asesoría de B.E., Plan de Mellora das BE, partidas orzamentarias para renovación das coleccións, formación do profesorado, Hora de Ler, Mochilas Viaxeiras, Clubs de Lectura…).
Destaca que as B.E, son unha potente ferramenta no eido educativo e cultural, na innovación educativa e no uso das TICs. Alude aos magníficos traballos actuais das B.E como o relacionado coas Letras Galegas, os blogs, os traballos interdisciplinares (astronomía, Día da Paz, etc)
“Estamos no bo camiño”
Sinala grandes retos para o futuro nas BE como son a integración das culturas impresas e dixitais, afrontar os cambios educativos e a selección de información.
Coñece as dificultades existentes e destaca a profesionalidade e o bo facer dos actuais responsables das BE de Galicia. Ten por obxectivo consolidar o xa realizado.

Nunha segunda parte da comparecencia presenta o PLAN LIA (Lectura, Información e Aprendizaxe) para os anos 2010-2015, cos seguintes cinco obxectivos:
-Adaptar os recursos informativos dos centros á nova sociedade.
-Promover a integración das TICs e das novas prácticas educativas profundando na formación do profesorado.
-Favorecer a adquisición das competencias básicas polo alumnado.
-Mellorar os índices de lectura e escritura.
-Incentivar o uso das BE polas comunidades educativas.

Carme Adán Villamarín (BNG)
Saúda aos membros de AGABEL presentes no hemiciclo. Sinala que o discurso do Conselleiro é un discurso baleiro. Recoñece que as BE de Galicia melloraron moitísimo grazas ao voluntarismo do profesorado ao que lle agradece a súa dedicación.
Manifesta que no discurso do Conselleiro non houbo propostas concretas e si obxectivos xenéricos, insistindo na voluntariedade dos docentes que traballan nas BE, e realiza as seguintes preguntas:
-Cal vai ser o compromiso coas BE?
-Pensa redactar algunha normativa sobre as BE?
-Pensa mellorar o decreto que regula os espazos mínimos das BE?
-Vai dotar as BE de Infantil e Formación Profesional?
-Vai regular a dedicación horaria nos futuros Regulamentos Orgánicos de Centros?
-Vai crear a figura da persoa responsable das BE con dedicación horaria suficiente?
Pide compromisos concretos.
Pídelle ao Conselleiro que explique a negativa e escasa presenza das BE nos novos ROC dos Conservatorios e na Escolas de Idiomas.
Manifesta o seu rexeitamento ao modificación na convocatoria deste ano de PLAMBE ao suprimirse a obrigatoriedade de que polo menos o 50% dos fondos adquiridos estean en lingua galega

Guillermo Meijón Couselo (PsdeG-PSOE)
Saúda aos membros de AGABEL presentes. Alude a outras cuestións de actualidade no eido educativo.
Cualifica ao PLAMBE de grande éxito e lembra as aportacións económicas do bipartito. Lembra que nos orzamentos de 2010 a Consellería de Educación destina entre un 20 e un 30% menos ás BE e á Lectura que no 2009, un 30% menos en formación do profesorado e un 20% menos de asesorías técnicas, ademais, recorda, que foi suprimida a asesoría de BE do CFR da Coruña. Critica a desaparición da obrigatoriedade de adquirir o 50% dos novos fondos en galego.
Sobre o Plan LIA entende que é unha declaración de obxectivos xenéricos, sen orzamento e sen planificación.
Remata afirmado que as BE necesitan entrar nunha segunda fase, a do remate do voluntarismo.

Román Rodríguez González (PP)
Cualifica o escenario actual de “recursos decrecentes”. Fai unha defensa xenérica das políticas do Conselleiro. Entende como positivo o Plan LIA, como unha aposta “moi importante” polas BE e unha nova mellora da educación. Cre que no bipartito as BE tiveron un balance “floxo” e continuísta co que xa se estaba a facer. Argumenta que no artigo 113 da LOE non se regula nada da figura do responsable da BE.

Quendas de réplicas

Xesús Vázquez Abad, Conselleiro de Educación e O.U.
Saúda e agradece o traballo feito por AGABEL (por certo di que temos “fío directo coa Consellería”) Agradece, de novo, o traballo dos docentes nas BE e especialmente a “Pilar e Cristina” polo excelente traballo desde a Asesoría de BE.
Argumenta que o Plan LIA responde ás necesidades dos docentes, que garante a continuidade do PLAMBE, afianza a rede de BE, a formación do profesorado, reforzará a Hora de Ler, propulsará a mellora dos Plans lectores dos centros. Anuncia que se farán concursos sobre “Lectura en voz alta”.
Desexa que “non esmoreza o voluntarismo”.

Márcase como obxectivo para o 2015 que o 70% dos centros de titularidade pública estean dentro do PLAMBE. Farase un estudo do marco normativo, garante a presenza das BE nos novos ROCs e buscaranse fórmulas para garantir a estabilidade da presenza da persoa responsable da BE. Farase un equipamento básico para os centros de nova creación. –Utilizaranse instrumentos de avaliación do uso das BE. Farase un estudo que avalíe o PLAMBE. Crearase un observatorio de BE para elaborar informes bianuais. Preténdese formar a máis de 3.000 docentes no uso das BE. Incorporarannse recursos da web 2.0 Farase un concurso sobre traballos de investigación do alumnado desde o 3º Ciclo de Primaria. Colaborarase con outros axentes sociais. Intensificarase a relación cos concellos e consellería de Cultura.
Farase un “marco normativo que poña en valor este servizo”.

Carme Adán Villamarín (BNG)
Dificultades dos Clubs de Lectura no rural por falta de transporte.
-Como aparecerán as BE nos ROCs?
-Como aparecerá a dedicación horaria?
Pídelle que escoite as reivindicacións do profesorado a nivel lexislativo e dotacional. Pide un compromiso claro co profesorado das BE.

Guillermo Meijón Couselo (PsdeG-PSOE)
Insiste na supresión da Asesoría de BE no CFR da Coruña. Insiste en que hai menos orzamento. Débese regular a figura da persoa responsable da BE. Parécenlle pouco o 70% dos centros para 2015. Afirma que “non vemos ningunha realidade concreta sobre as BE”

Román Rodríguez González (PP)
Defende o discurso do Conselleiro.

Xesús Vázquez Abad, Conselleiro de Educación e O.U.
“Desenvolveremos normativa sobre as BE”

O Pleno na prensa:

Xornal, El País, El Correo Gallego.

Rede de Bibliotecas Escolares de Portugal

2010-05-07T12:28:00.000-07:00

A Rede de Bibliotecas Escolares de Portugal foi creada en 1996 polo Ministerio de Educación. Dende entón é un referente onde temos que mirarnos: cartos investidos, fomación, recursos documentais, implicación dos concellos, estensión ao 70% da poboación escolar...

Convocado o PLAMBE 2010-2011

2010-05-07T10:38:00.000-07:00

No DOG do 7 de maio aparece convocado o PLAMBE para o curso 2010-2011.
Orde do 23 de abril de 2010 pola que se convoca o Plan de mellora de bibliotecas escolares en centros públicos non universitarios de titularidade da Consellería de Educación e Ordenación Universitaria para o curso 2010-2011.

Convocado o Premio de Bibliotecas Escolares do Ministerio

2010-05-06T10:40:00.000-07:00

No Boe do pasado 4 de maio vense de convocar a edición desde ano do "concurso nacional de buenas prácticas para la dinamización e innovación de las bibliotecas de los centros escolares". Un xeito máis de darlle visibilidade ao traballo que se está a desenvolver nas Bibliotecas Escolares Galegas é presentarse a este certame.

Estamos convencidos que, coma en anos anteriores, moitas das nosas bibliotecas serán merecedoras deste premio.

As Bibliotecas Municiapis da Coruña e o Día do Libro

2010-05-01T04:52:00.000-07:00

Celebración do 10 aniversario de AGABEL

2010-04-25T22:47:00.000-07:00

O sábado 24 de abril, no Museo do Pobo Galego, en Santiago, celebrouse o décimo aniversario da constitución de AGABEL cunha mesa redonda que tivo por tema “Cara onde van as Bibliotecas Escolares galegas”.

O acto foi presentado pola tesoureira da asociación, Carme Loriga, quen fixo un percorrido histórico do nosos primeiros dez anos. En primeiro lugar agradecendo o apoio e iniciativas, mesmo para a nosa propia creación, das Bibliotecas Municipais da Coruña, a importancia que tivo Milagros Blanco do CFR da Coruña así como o labor desenvolvido pola presidenta durante os sete primeiros anos do noso colectivo Dores Fernández. Posteriormente fixo un balance das xestións, e logros da asociación diante das distintas administracións educativas.

A continuación tomo a palabra Marta Dacosta, en representación do sindicato docente maioritario na Galiza, a CIG, quen, desde o contexto e problemática actual, sinalou o posicionamento da súa institución sobre a Biblioteca Escolar, amosando a dispoñibilidade para defender en todos os estamentos onde estea presente, as nosas reivindicacións (horario, normativa, orzamento, figura da persoa responsable…)

Posteriormente interveu Virgilio Gantes, presidente da CONFAPA-Galicia quen demandou a necesidade de que a Biblioteca Escolar conte con persoal especializado, amplo horario de apertura, instalacións axeitadas e un fondo documental actualizado e suficiente. Ademais aportou a visión dalgunhas familias sobre o servizo que se presta nalgunhas bibliotecas escolares.

Catuxa Seoane fixo fincapé na necesidade de traballar a prol dunhas bibliotecas participativas, que formen usuarios e usuarias 2.0, destacando as posibilidades pedagóxicas do libro electrónico e dos novos catálogos (con hipervínculos, vídeos, arquivos sonoros…) Subliñou as grandes ofertas da Internet como xestión do coñecemento, como soporte para actividades críticas, como fomento da creación.

Tras lerse a carta recibida desde a Dirección Xeral de Centros escusando a ausencia dalgún representante da Consellería de Educación, interveu Antonio Martínez, Presidente de AGABEL, para sinalar a importancia da acción do profesorado cara ao desenvolvemento das potencialidades pedagóxicas da Biblioteca Escolar ademais de lembrar as reivindicacións, xa históricas, da asociación.

Logo deuse paso a un interesante e intenso intercambio de pareceres sobre as ideas exportas onde se puxo de manifesto a necesidade de aumentar as relacións entre os sectores representados no acto.

Xa fóra do programa compartimos un café e un agradábel xantar.

Moitas grazas a todos e a todas pola participación no acto.

Celebración do 10 aniversario da AGABEL

2010-04-22T12:34:00.000-07:00

O vindeiro sábado, 24 de abril, ás 11 horas e no auditorio do Museo do Pobo Galego en Santiago, imos celebrar o décimo aniversario da asociación coa mesa redonda:

"Cara onde van as Bibliotecas Escolares Galegas"

Contamos coas intervencións confirmadas de Virgilio Gantes, Presidente de CONFAPA-Galicia, María Dacosta, da CIG, Catuxa Seoane, Bibliotecaria-Documentalista, e Antonio Martínez, Presidente de AGABEL.

Agardamos que a Conselleria de Educación acepte a nosa invitación e designe a unha persoa como representante.

Agardámosvos

Novo manifesto internacional a prol da Biblioteca Escolar

2010-04-14T07:13:00.000-07:00

O pasado 2 de abril a ENSIL (European Network for School Libraries and Information Literacy), a IASL (International Association of School Librarianship) e a IFLA (International Federation of Library Associations and Institutions), anunciaron a publicación dun documento conxunto, A Library for Every School (Unha biblioteca para cada escola). Este documento é un manifesto que avoga por que as bibliotecas sexan obrigatorias en todas as escolas.

Encontros do PLAMBE

2010-03-22T12:33:00.001-07:00

Os días 15 e 16 de abril celebraranse en Santiago de Compostela os Encontros do Plan de mellora de bibliotecas escolares, 2009/2010. Están convocadas as persoas responsables das 299 bibliotecas escolares incluídas no presente curso neste programa da Consellería de Educación e Ordenación Universitaria. Os encontros teñen como finalidade avanzar na formación específica deste colectivo nos aspectos máis variados da biblioteca escolar: o papel que xogan hoxe en día estas bibliotecas nos centros educativos e as posibilidades que ofrecer para educar a un alumnado que medra na sociedade da información. Son espazo de reflexión e de intercambio de experiencias; unha oportunidade para a creación de vínculos profesionais que posibilite traballos colaborativos entre as distintas bibliotecas, nunha dinámica xa creada e que está a demostrar a súa efectividade.

A lectura para a aprendizaxe, a educación de competencias básicas como o "tratamento da información e competencia dixital", a presenza dos soportes audiovisuais e electrónicos, a imprescindible integración da cultura impresa e a cultura dixital, serán algúns dos contidos a tratar en maior profundidade.

Texto e imaxe vía Bibliotecas Escolares de Galicia.

Novo decreto de espazos mínimos: nin un paso adiante

2010-03-18T00:53:00.000-07:00

Como ben saberedes a superficie mínima das bibliotecas escolares en Galicia de centros de nova construcción estaba regulado polo R. D. 1004 de 1.991 xa que o decreto que pretendeu sustituilo, o 1537/2003 fora declarado insconstitucional por defectos de forma na súa tramitación. Algunha Comunidades Autónomas teñen regulado de seu para modificar, ou mellorar, o lexislado polo do Ministerio.

Pois ben o Ministerio de Educación acaba de publica un novo decreto (o 132/2010 no BOE do 12-III-2010) Cal é a nosa valoración?
A Educación Infantil continúa sen ter bibioteca (debe ser como ese alumnado non sabe ler… para que quere libros pensará o Ministerio…) Non comprenden nada.
Fálase de superficies mínimas pero todos sabemos que hai que ler máximas. Son as seguintes:
Educación Primaria: biblioteca de 45 metros
ESO e Bacharelato: 75 metros
Formación Profesional: Non se cita.
A destacar que desaparece, como acontecía ata agora, a posibilidade de que un centro comparta dous tramos educativos cunha biblioteca, de 90 metros.

Será necesario sembrar as superficies aconselladas pola IFLA?
1- 250 alumnos/as: 144 metros cadrados
250- 500 alumnos/as: 251 metros cadrados
Máis de 500 alumnos/as: 358 metros cadrados

No decreto introdúcese a seguinte novidade:

“Todos os espazos nos que se desenvolvan accións docentes, así como a biblioteca, contarán con acceso ás tecnoloxías da información e a comunicación en cantidade e calidade adecuadas ao número de postos escolares, garantindo a accesibilidade ás contornas dixitais do alumnado con capacidades diferentes”

Pero no decreto 2003 afirmábase que a biblioteca tiña que contibuir a “cumprir os obxectivos curriculares do centro e que dispoña de fondos bibliográficos e de dotación de equipos informáticos suficientes para axilizar a súa xestión e o fomento da lectura nos alumnos”. Agora xa non?

Reclamamos que Galicia, onde se van construir moi poucos novos centros educativos nos vindeiros anos, modifique e mellore as superficies mínimas aprobadas polo Ministerio e se contemple a necesidade da Biblioteca nos Centros de Educación Infantil. Nos centros de Formación Profesional tamén se deberá contar cunha Biblioteca dunha superficie axeitada.

2010 Ano do Libro e da Lectura

2010-02-17T03:10:00.000-08:00

A Consellería de Cultura, que non a de Educación, acaba de facer público que o ano 2010 é declaro Ano do Libro e da Lectura.
Este é o texto da argumentación e os eidos nos que se pensa traballar.

2010 Ano do Libro e da Lectura

"Programas de promoción do libro, fomento da lectura e a escrita, e mellora da xestión pública das bibliotecas.

Consciente do valor estratéxico do libro como instrumento para a expresión do dereito á creación, a promoción e a divulgación da cultura, da historia e da lingua de Galicia, o Consello da Xunta acordou declarar o próximo ano 2010 como Ano do Libro e da Lectura de Galicia, e invitar a todos os galegos a participar nos distintos actos que se realicen nesta celebración.
Procurouse a coincidencia do Xacobeo co Ano do Libro e da Lectura co obxecto de propiciar a complementariedade entre estas dúas celebracións. Sitúase así o libro, a nosa cultura e a nosa lingua, no marco dun acontecemento de enorme proxección exterior como é o Ano Santo.

No vindeiro ano, ademais de potenciar as accións que xa se veñen realizando a prol do libro e da animación á lectura, deseñouse unha programación variada concebida para conseguir unha maior visibilidade do libro e achegalo a toda a cidadanía.

Aínda aberta a novas iniciativas e cun orzamento previsto de 2.850.000 €, a programación inclúe proxectos de animación cultural, congresos e conmemoracións, actividades de promoción e difusión do libro, fomento da lectura e a escrita, así como
iniciativas para a mellora da xestión pública do libro e as bibliotecas.

1-ANIMACIÓN CULTURAL
Inicio e peche do Ano do Libro e da Lectura
Exposicións

2-CONGRESOS E CONMEMORACIÓNS
Encontros e congresos
Centenarios e outras homenaxes
Outras conmemoracións

3-PROMOCIÓN E DIFUSIÓN DO LIBRO
Presenza en feiras do libro
Presenza do libro nos medios

4-FOMENTO DA LECTURA E DA ESCRITA
Animación á lectura
Fomento da escrita
Biblioteca galega de Bos Aires

5-XESTIÓN DO LIBRO E BIBLIOTECAS
Biblioteca de Galicia na Cidade da Cultura."

Hábitos de lectura 2009

2010-02-11T07:16:00.000-08:00

A Federación de Gremios de Editores de España vén de publicar o Informe de hábitos de lectura y compra de libros en 2009, un barómetro que mide os hábitos da poboación maior de 14 anos en relación cos libros e a lectura. Desde hai tres anos, este barómetro presta tamén atención á lectura entre a poboación máis nova, entre 10 e 13 anos. Cómprenos unha lectura detallada deste informe se queremos traballar por obxectivos, sabendo de onde partimos e qué aspectos deberíamos ter en conta como mediadores na formación dos novos lectores e lectoras. Algúns datos para a reflexión:

Os lectores frecuentes, entre a poboación maior de 14 anos son o 41,3% (len todos ou case todos os días, ou unha ou dúas veces por semana).
Os lectores frecuentes, entre 10 e 13 anos, son o 77,1%
O 55% da poboación maior de 14 anos declárase lectora (lectores frecuentes + lectores ocasionais, que len un libro ao mes ou ao trimestre)
Entre os rapaces e rapazas de 10/13 anos, a porcentaxe de lectores, sumando frecuentes e ocasionais, sube ao 91,2%
O 78,4% dos nenos lectores asegura que seus pais lles len na casa, e o 88% que lles mercaron ou agasallaron con libros no último ano.
O 97,2% dos nenos lectores afirmar que os seus profesores os animan a ler, e o 93,2% asegura que nos seus colexios se realizan actividades arredor da lectura e o libro, participando nelas o 94,1%.

Galicia sube 2,3 puntos con respecto ao ano 2008, na porcentaxe de poboación lectora (+ 14 anos), quedando no 54,9%, sendo o 39, 9% os lectores frecuentes.
En Galicia, o 45,1% dos maiores de 14 anos non le.

A lectura en galego representa o 0,5% do total. En Galicia, o 7,4% dos lectores le en galego de forma cotiá.

Novamente, chama a atención tamén, e debera levarnos á reflexión sobre as nosas prácticas de selección e visibilización de segundo qué libros, a relación de libros máis lidos, entre a poboación infantil e entre a poboación adulta. ¿Para esta viaxe, tantas alforxas????

Vía Hora de Ler.-

Acordo entre o Ministerio e a Consellería de Educación

2010-02-07T11:47:00.000-08:00

No BOE do pasado 3 de febreiro publicouse a Resolución de 23 de diciembre de 2009, de la Dirección General de Evaluación y Cooperación Territorial, por la que se publica la Adenda al Convenio de colaboración, entre el Ministerio de Educación y Ciencia y la Comunidad Autónoma de Galicia, para la mejora de las bibliotecas escolares. O millón trescentos mil euros deberá ser destinado a:

As actuacións específicas asociadas á mellora das bibliotecas escolares centraranse nos aspectos que se enumeran a continuación:
Mellora das dotacións das bibliotecas escolares, actualizándoas e adecuándoas aos ensinos que se imparten no centro e ás idades dos seus alumnos: libros, revistas, documentación en soporte informático e recursos de vídeo e audio.
Dotación de mobiliario e de material informático e multimedia, para adecuar as contornas de traballo e lectura, os medios para o almacenamento das coleccións e os sistemas de procura e acceso á documentación e ás necesidades que debe cubrir a biblioteca escolar.
Reforma das instalacións para adecualas mellor ao uso da biblioteca, incluíndo as adaptacións para dotar de conexión a Internet.
Adaptación das instalacións para que poidan ser utilizadas de modo independente ao resto do centro, fóra do horario lectivo.
Mellora da atención das bibliotecas escolares e, en particular, programas experimentais dirixidos á dotación específica de persoal para as bibliotecas escolares
Programas de formación de profesores sobre xestión documental e bibliotecaria e sobre aplicación da biblioteca escolar ao desenvolvemento do currículo.
Establecemento de redes de apoio ás bibliotecas escolares nos servizos centrais, territoriais ou locais ou reforzo das existentes.

Axudas para os clubs de lectura do ensino secundario

2010-01-21T02:28:00.000-08:00

Xa foi publicada a relación de centros que recibirán unha axuda económica para os seus clubs de lectura.

Parabéns a todos os centros.

Solicitude de entrevista co Director Xeral de Centros

2010-01-09T12:08:00.000-08:00

Tras enviar un correo electrónico en novembro de 2009, o pasado 5 de xaneiro enviose de novo outro e-mail e un fax coseguinte texto:

"Estimado Director Xeral de Centros e Recursos Humanos:

Como ben lembrará, no pasado mes de xuño do 2009 a Vicepresidenta e o Presidente de AGABEL (Asociación Galega polas Bibliotecas Escolares e a Lectura) mantivemos con vostede unha cordial entrevista e na que acordáramos volver a vernos en torno a novembro dese mesmo ano. A presente comunicación é para solicitarlle outra entrevista co obxectivo de repasar os temas que foran formulados no pasado. A xeito de recordatorio eses temas eran:

-Normativa que regule a Biblioteca Escolar.
-Recoñecemento do labor realizado polas persoas responsables das Bibliotecas Escolares.
-Situación do Plan de Mellora para o vindeiro curso.
-Mellora do mobiliario paras Bibliotecas Escolares.
-Revisión das superficies mínimas para as bibliotecas de nova construción.
-Mellora da situación da Asesoría de Bibliotecas escolares.
-Plans de Consellería sobre Bibliotecas Escolares.

Agardando a súa resposta, reciba un cordial saúdo"

Collejeros: "Enganchados al libro"

2010-01-04T08:35:00.000-08:00

Para comezar ben o "Ano da lectura e o libro":

Vía El observatorio de la Noe.

Selección de fondos para a ESO desde Cataluña

2009-10-19T07:35:00.000-07:00

Vén de publicarse a obra de bibliografía seleccionada "Coneixements: lectures recomanades per a una biblioteca escolar d’educació secundària obligatòria".

Está producida dentro do marco de colaboración entre o Departament de Cultura i Mitjans de Comunicació e o Departament d’Educació da Generalitat de Catalunya e publicada pola Subdirecció General de Biblioteques.

A bibliografía seleccionada integra unha serie de recursos para reforzar os itinerarios docentes a través de tres tipoloxías de documentos complementarios entre si: libros, publicacións periódicas e, especialmente, recursos electrónicos.

A publicación é accesible en papel e en formato electrónico.

Vía Biblioteques Públiques de Catalunya.

Xornadas de Bibliotecas Escolares de Galicia-2009

2009-09-15T11:11:00.000-07:00

Os vindeiros 23-24 de outubro, en Santiago de Compostela (Palacio de Congresos), nova cita para as profesoras e profesores que andan a erguer pequenas utopías polo país adiante: as Xornadas de Bibliotecas Escolares de Galicia - 2009.

Nesta ocasión o tema central das xornadas será "NOVAS LECTURAS, NOVOS LECTORES". Falar de lectura no contexto educativo, hoxe en día, é falar das "novas formas de ler", os novos ou non tan novos soportes, os cambios sociais e tecnolóxicos que indefectiblemente forzan, tamén, a introducir e asentar cambios metodolóxicos e de enfoque nas prácticas de lectura e escritura nos centros.

Daniel Cassany, Glória Durban, Tíscar Lara, Guadalupe Jover, Luis Iza, e representantes de centros de ensino de Galicia que están a desenvolver Proxectos lectores de interese, conforman o programa dunha actividade anual que prevé reunir a 1.200 participantes de toda Galicia, todos eles profesores en activo.

Texto e ilustración vía Bibliotecas escolares de Galicia.

Curso 2009-2010: Docentes Bibliotecarios en Portugal

2009-09-02T04:37:00.000-07:00

Grazas aos blog A biblioteca do cole e No sólo libros poidemos rastrear a nova de que todos os centros educativos de Portugal contarán cun docente-bibliotecario a tempo completo nas súas bibliotecas escolares.

Así o conta a Rede de Bibliotecas Escolares:
"A partir do ano lectivo de 2009-2010 a organização e gestão das bibliotecas escolares estará a cargo de professores bibliotecários a tempo inteiro que devem desenvolver estatégias e políticas que garantam a rentabilização de recursos e investimentos e a(s) coloquem ao serviço da escola, do processo formativo e das aprendizagens dos alunos."

A evolución deste programa educativo é comentada en A información:

"Há 13 anos, eram poucas as escolas com biblioteca no país: havia apenas 164 bibliotecas na Rede de Bibliotecas Escolares. Em 2009, os 2.º e 3.º ciclos estão totalmente cobertos, o secundário está acima dos 90 por cento e só o 1.º ciclo continua com um défice de bibliotecas, com cerca de 40 por cento de cobertura. Actualmente, são 900 no 1.º ciclo e 1163 nos ciclos seguintes. Cerca de um milhão de alunos tem acesso a bibliotecas escolares.O mérito, diz um novo estudo de António Firmino da Costa, do Centro de Investigação e Estudos de Sociologia do Instituto Superior de Ciências do Trabalho e da Empresa (ISCTE), deve-se muito à "coordenadora com elevada capacidade de liderança" e a "um corpo técnico relativamente reduzido, mas muito competente e motivado". A coordenadora é Maria Teresa Calçada, que está à frente do projecto desde o início.Segundo o estudo, o objectivo nuclear do programa foi "largamente atingido", ou seja, dotar o país de uma rede de bibliotecas escolares. Este objectivo tem tido impactos "relevantes" na promoção da leitura e também na criação de bibliotecas modernas que, além dos livros, oferecem novos meios de literacia como os audiovisuais, informática e de informação. Em 13 anos, foram investidos 40 milhões de euros na qualificação, remodelação e apetrechamento de bibliotecas escolares. Houve também investimento indirecto, "igualmente importante", por parte do Ministério da Educação e apoios de bibliotecas públicas e autarquias.Os desafios que se propõe para o futuro são ampliar, diversificar e actualizar os fundos documentais e continuar a renovar instalações e equipamentos, sobretudo com novas tecnologias. O estudo propõe ainda o alargamento da formação de professores bibliotecários, bem como de outros profissionais das equipas das bibliotecas."

Fáltanos moito en Galicia para estar coma en Portugal?

Suprimida a asesoría de CFR da Coruña

2009-08-03T02:50:00.000-07:00

Días atrás non foi cuberta a asesoría de Bibliotecas Escolares do Centro de Formación e Recursos da Coruña. Non imos falar aquí da valía e profesionalidade da persoa que ata este curso tivo a responsabilidade de desenvolver ese traballo cando, ademais, esa persoa é socia, desde os inicios, desta asociación.

O presidente de AGABEL xa ten enviado un escrito de protesta á dirección xeral correspondente reclamando que se corrixa ese erro que supón que nos CFRs da provincia da Coruña non exista ningunha asesoría de Bibliotecas Escolares. Un paso atrás. Será o primeiro?

Entrevista na Consellería

2009-06-22T06:31:00.001-07:00

O pasado xoves, 18 de xuño, a Vicepresidenta da Asociación Galega polas Bibliotecas Escolares e a Lectura (AGABEL), Loly Lago e o Presidente, Antonio Martínez, fumos recibidos polo novo Director Xeral de Centros e Recursos Humanos, José Manuel Pinal Rodríguez. A entrevista, que fora solicitada pola asociación semanas atrás, desenvolveuse nun ton cordial e de proximidade, debido, probablemente, a que o novo Director Xeral procede da dirección dun centro e que polo tanto coñece a realidade (posibilidades e problemas) das Bibliotecas Escolares.

Durante a hora que durou a entrevista abordamos unha serie de temas que, dun xeito moi resumido, foron:
-Necesidade dunha Orde que regule o modelo da Biblioteca escolar.
-Modificación dos Regulamentos Orgánicos de Centros para que a persoa responsable da Biblioteca conte coa dedicación horaria suficiente e se cree o Departamento da Biblioteca Escolar.
-Garantir a extensión e a continuidade do PLAMBE.
-Adquisición de mobiliario específico de bibliotecas.
-Modificar as superficies mínimas para as bibliotecas recollidas nos decretos de superficies dos centros.
-Recoñecemento administrativo do traballo desenvolvido nas Bibliotecas Escolares.
-Extensión das Asesorías de Bibliotecas Escolares a todos os CFR.
-Aumento de persoal e da súa capacidade de decisión da Asesoría de Bibliotecas escolares da Subdirección Xeral de Centros.

Ningunha das cuestións formuladas pareceulle carente de sentido ao Director Xeral.
Concretamos unha nova entrevista para novembro para estudar como evolucionan os temas formulados.

Presentación da Guía para bibliotecas escolares

2009-06-15T07:37:00.000-07:00

Guía para bibliotecas escolares, manual coordinado polos profesores da Universidade da Coruña, Pedro López Gómez e José Carlos Santos Paz, e publicado conxuntamente pola Universidade da Coruña e a Consellería de Traballo-Fondo Social Europeo, neste ano 2009.

O acto terá lugar no Salón de Graos. Facultade de Humanidades. R/ Doutor Cabrera s/n. Ferrol, o xoves, 18 de xuño de 2009 ás 19horas.

Intervirán: Fernando González, Director do Servizo de Publicacións da UDC, Pedro López, Co-director do Máster de Bibliotecas Escolares da UDC, Antonio Martínez, Presidente de AGABEL, a profesora da UDC Carmen Pérez Pais, e a profesora de ensino secundario Mª Dores Lago Iglesias, colaboradoras, entre outros autores, do manual.

Este libro inclúe os resumos das principais achegas realizadas polos profesores do I Master en Bibliotecas Escolares da Facultade de Humanidades da Universidade da Coruña (2007-2008). Cobren os principais temas que se refiren ao universo da biblioteca escolar nos seus distintos niveis. Aspectos conceptuais, políticos e legais; cuestións teóricas e prácticas sobre a organización e instalación dos materiais, con especial referencia aos libros e documentos audiovisuais e electrónicos de carácter infantil e xuvenil; o proceso técnico dos materiais, a obtención e uso máis adecuado da información; os servizos que se poden prestar aos usuarios, e a formación deses usuarios para que utilicen e rendibilicen os materiais e as informacións á súa disposición; e a dinamización da biblioteca, concibida como un instrumento transversal da educación e a formación da comunidade escolar.

Guía para bibliotecas escolares

2009-06-11T10:56:00.000-07:00

Deixamos constancia da aparición dun novo recurso. Varios dos autores/as son membros da asociación.

Pedro López Gómez e José Carlos Santos Paz (eds.). Guía para biblioteca escolares. A Coruña, Universidade da Coruña, 2009.

Autores e títulos dos capítulos:

Guillermo Castán. “Concepto, objetivos y funciones de la biblioteca escolar”.
Isabel Blanco e Antonio Martínez. “Instalaciones, equipos y mobiliario de la biblioteca escolar”
Cristina Ameijeiras. “Criterios y recursos para la formación de una colección de una biblioteca escolar”.
Isabel Pemán. “O proceso técnico”.
Carmen Pérez. “Fuentes de información: claves para una primera aproximación”.
Concha Varela e Rocío Ameneiros. “Servicios bibliotecarios”.
Carmen Loriga. Formación de usuarios na biblioteca escolar”.
Aurora Cuevas. “Alfabetización en información”.
Elena pernas. Animación a la lectura y promoción lectora”.
Elena Alfada. ”Literatura infantil y juvenil: tendencias, personajes y colecciones”.
Luisa Mora. “Libros documentales y de información para niños y jóvenes. El uso de otro documentos (informativos) en la biblioteca escolar del siglo XXI...”.
Loly lago. “Las Bibliotecas Escolares en la Sociedad de la Información”.
Antonio Martínez. “Proxecto de biblioteca escolar”.

Curso de Postgrado Semipresencial da Universidade de Zaragoza sobre Lectura, libros e lectores.

2009-06-09T12:45:00.001-07:00

A socia Cristina Ameijeiras envíainos a seguinte información para a súa difusión.

"Huesca acoge un postgrado especializado en lectura

Ayer se presentó el Postgrado en Lectura, Libros y Lectores Infantiles y Juveniles, un nuevo título propio de la Universidad de Zaragoza dirigido a profesionales del sector del libro y la cultura, educadores y titulados universitarios, durante la celebración de la Feria del Libro de Huesca. Este título, uno de los pioneros de la universidad española, responde a la necesidad de formación que genera la eclosión del libro infantil y juvenil, una de las áreas más sólidas en el mercado editorial. El postgrado tendrá carácter semipresencial y prácticas externas en empresas y centros colaboradores"

Vía Mastermas.

Asemblea Anual Ordinaria

2009-05-24T08:38:00.000-07:00

O vindeiro sábado, 6 de xuño, ás 10,45 horas en primeira convocatoria e 11,00 horas en segunda, celebrarase a Asemblea Anual Ordinaria da Asociación Galega polas Bibliotecas Escolares e a Lectura, no Museo do Pobo Galego (Santiago de Compostela) coa seguinte

ORDE DO DÍA

1.- Lectura e aprobación, se procede, da acta da sesión anterior.
2.- Informe do estado de contas polo señor tesoreiro.
3.- Informe de acctividades desenvolvidas.
4.- Liñas de actuación e traballos.
5.- Rogos e preguntas.

Antonio Martínez García
Presidente

Solicitude de entrevistas

2009-05-04T01:01:00.000-07:00

No día de hoxe foron solicitadas entrevistas co Señor Conselleiro de Educación e co señor Director Xeral de Centros e Recursos Humanos para avaliar a situación actual das bibliotecas escolares e a lectura nos centros educativos, coñecer as súas futuras actuacións e presentar as nosas demandas.

Programa electoral do Partido Popular

2009-03-23T07:44:00.001-07:00

Celebradas as elecciónsautonómica, cómpre repasar o programa electoral do Partido Popular, relativos ás bibliotecas escolares e á lectura.

En Educación:

-A mala xestión impedíu mellorar no Plan de Mellora de Bibliotecas escolares.

-Impulsaremos a apertura das bibliotecas escolares fora do horario lectivo, especialmente nas localidades e barrios onde non exista biblioteca municipal.

En Cultura:
–Declarar o ano 2010 como Ano da Lectura en Galicia, co obxectivo de que todas a Administracións galegas e o sector do libro, os representantes editoriais e os axentes implicados no fomento da lectura, mobilícense a favor do fomento da lectura. Para esta campaña darán axudas específicas as Consellerías de Educación e de Cultura.

–Crear un Fondo Social con axudas da Xunta e doutras entidades para realizar todos os anos unha convocatoria pública dirixida a subvencionar a adquisición de libros de lectura e dinamizar o sector do libro.–Realizar campañas para potenciar actividades culturais e de fomento de lectura apoiándose nas 600 librarías e nas 45 editoriais galegas. A radio e a televisión galegas, dentro dos seus espazos de publicidade, reducirá as tarifas de promoción do libro galego.

–Establecer nos presupostos anuais da Xunta partidas para compra de libros destinados á actualización das bibliotecas e tamén das bibliotecas escolares. Unha parte destes libros serán libros editados en Galicia e libros en galego.

–Nos programas presupostarios da Xunta figurará un programa presupostario específico no que figuren as partidas destinadas ao sector do libro.

–O PPdeG garantirá que en todas as cidades de máis de 75.000 habitante existirá unha biblioteca estatal; que todas as cidades e vilas de máis de 50.000 habitantes conten con bibliotecas municipais xestionadas ou sostidas pola Xunta de Galicia. Mellorarase e impulsarase o servizo das bibliotecas nodais, con ampliación de horario e medios, especialmente persoais.

–Favorecer o papel das librarías como puntos especializados de venda de libro, así como de axentes culturais activos, indispensables para que a industria do libro manteña a gran pluralidade e cuantitividade e para a consolidación do tecido cultural galego. Farase promoción da libraría e a súa imaxe pública como punto especializado de venda de libros e como axente cultural activo, adoptando medidas eficaces en colaboración coa Federación de Libreiros de Galicia para evitar o peche de librarías, especialmente as instaladas nas zonas rurais e na periferia das cidades e vilas.

-Impulsar que as bibliotecas escolares se abran ao público fóra do horario lectivo dotándoas de técnicos e auxiliares de biblioteca.

-Envío a todas as bibliotecas das obras publicadas pola Xunta de Galicia e os editores galegos, previamente seleccionados por unha comisión na que participen os editores, libreiros e profesionais das bibliotecas.

-Vistos os problemas que o sistema de empréstito de libros de texto está a xerar nos alumnos, nos centros, nas familias e nas librarías, o Partido Popular cambiará este sistema polas axudas directas a través do chequelibro.

17ª Xornadas de Bibliotecas Infatís, Xuvenís e Escolares

2009-03-06T08:03:00.000-08:00

A Fundación Germán Sánchez Ruipérez xa publicou todos os datos das 17ª Xornadas de Bibliotecas Infantís, Xuvenís e Escolares: o Programa, o Boletín de Inscrición e Información-aloxamentos. Celebraranse en Salamanca os días 28, 29 e 30 de maio.

Publicación no BOE dun convenio sobre as Bibliotecas Escolares galegas

2009-03-06T07:19:00.000-08:00

No BOE de hoxe, 6 de marzo, publícase o seguinte:

"Resolución de 10 de diciembre de 2008, de la Dirección General de Cooperación Territorial, por la que se publica la Adenda al Convenio de colaboración, entre el Ministerio de Educación y Ciencia y la Comunidad Autónoma de Galicia para la mejora de las bibliotecas escolares, año 2008".

Novo documento: Cara a ALFIN nas Bibliotecas Públicas

2009-03-06T07:00:00.000-08:00

O Grupo de Traballo de Alfabetización Informacional do Ministerio de Cultura acaba de facer público o seu documento: "Hacia la Alfabetización Informacional en las Bibliotecs Públicas españolas"

La biblioteca, espacio de cultura y participación

2009-03-03T03:13:00.000-08:00

José Antonio Gómez Hernández e Pedro Quílez Simón (Coordinadores). La biblioteca, espacio de cultura y participación. Murcia, ANABAD-Consejería de Cultura de Murcia, 2008.

Este libro trata sobre o papel das bibliotecas públicas como espazo de promoción da cultura, a participación e a inclusión social e dixital. As bibliotecas organizan miles de actividades culturais cada ano, polo que hai que preguntarse polos seus fins, por como se interrelacionan co resto da inxente oferta cultural, informativa ou de ocio que hai dispoñible, cómo responden ou non ás necesidades sociais, cara onde van as bibliotecas na súa faciana de xestoras culturais, ou como afecta o contexto dixital e as redes de cultura, información, ocio e relacións á planificación cultural das nosas bibliotecas.

Texto da contraportada.

Pinakes: novo número

2009-02-23T12:15:00.001-08:00

Xa saíu o novo número de Pinakes, a revista das Bibliotecas Escolares de Estramadura.

As Bibliotecas Escolares nos Programas Electorais

2009-02-16T08:40:00.000-08:00

Os tres partidos que actualmente teñen representación no Parlamento de Galicia, manifestan o seguinte sobre as Bibliotecas escolares nos seus programas:

BNG

V.1.7.10. Bibliotecas escolares
O goberno do BNG comprométese a pór en marcha unha rede de apoio ás bibliotecas escolares co fin de mellorar a súa xestión, instalacións e materiais co que contan, e implementar políticas efectivas de mellora das habilidades lectoras do alumnado. Así mesmo, darase a formación necesaria ao profesorado coa correspondente redución horaria para asumir a responsabilidade deste servizo educativo.
As bibliotecas escolares contarán cun fondo documental adecuado e actualizado, instalacións e equipamentos apropiados. Así mesmo, permanentemente, dotaranse economicamente as bibliotecas escolares para a súa actualización.

PPdeG

-Afírmase que a mala xestión impedíu mellorar no Plan de Mellora de Bibliotecas escolares (p.3)
-Impulsaremos a apertura das bibliotecas escolares fora do horario lectivo, especialmente nas localidades e barrios onde non exista biblioteca municipal. (p.9)

PSdG-PSOE
Impulsaremos a apertura das bibliotecas escolares a toda a cidadanía (p. 91)

II Seminario: Biblioteca, aprendizaje y ciudadanía

2009-01-26T10:59:00.000-08:00

Coordinados por Glória Durban, celebrouse entre os días 22 e 23 de xaneiro o "II Seminario: biblioteca, aprendizaje y ciudadanía" en Vilanova i la Geltrú. Foi concibido como a segunda parte (xa non teórica senón desde a práctica) do seminario ALFIN celebrado en Toledo en 2006.

Por suposto Galicia estivo presente na voz de Cristina Novoa.

Nas conclusións e referido ao eido escolar dise o seguinte:

Conclusiones del II Seminario: Biblioteca, aprendizaje y ciudadanía

Articulación de ALFIN en el contexto escolar
La complejidad y sobreabundancia de información, así como los peligros de su uso incompetente, justifica la necesidad de desarrollar esta competencia en todas las etapas educativas.

La biblioteca escolar es imprescindible en el desarrollo de las competencias para el aprendizaje por lo que la ALFIN debe ser parte del proyecto educativo de cada centro escolar.

Es necesario hacer evidente que la competencia informacional facilita, contribuye y ayuda en la consecución de las competencias básicas y el conjunto de los contenidos curriculares.

El profesorado ha de favorecer escenarios y propiciar espacios de trabajo colaborativo que conduzcan al aprendizaje de la competencia informacional.

Los planes de fomento de la lectura y el trabajo basado en proyectos de investigación pueden ser escenarios para la sistematización y la corresponsabilidad en el proceso de aprendizaje de la competencia informacional.

Máis información en Alfinred.

Foto vía Alfinred.

Apoio a "Chicass 10"

2009-01-10T14:35:00.000-08:00

Hoxe queremos facervos unha proposta, Apoiar ao Blog Chicass 10, nominado como Mellor Blog do Ano por RTVE no premio Miradas2.

Para presentarvos este blog que coñecimos o verán pasado nos III Encontros Edublog que se celebraron en Santiago, escollimos esta Carta de Presentación escrita por Lourdes Barroso

"Chicass 10" no es un blog cualquiera, es una ventana abierta en el módulo de mujeres de la cárcel de Teixeiro. Es una experiencia educativa basada en el voluntariado de quienes enseñan y el coraje, la voluntad de superación, y la esperanza de un puñado de mujeres condenadas no solo a la reclusión, sino también a la exclusión social. Este blog se escribe sin Internet, porque en la cárcel no hay acceso a Internet, pero es el motor de arranque de la motivación de quienes publican en él, lo hace con esmero, es su "cuaderno de limpio", la mayor parte de ellas se están alfabetizando, nos muestra su historia y sus aprendizajes. A través del blog han buscado nuestra mirada, nuestro comentario, nuestro apoyo, que va llegando con cuentagotas. El fuerzo realizado, el compromiso, el cambio en lo personal, no se ha visto hasta ahora recompensado por parte de la administración penitenciaria, pero quizás ahora se abra una nueva oportunidad, si entre todos somos capaces de movilizarnos darles nuestro apoyo. Chicass 10 ha sido nominado como mejor blog del año por RTVE.es en los premios Miradas2, tal vez, si somos capaces reunir los votos suficientes, las cosas en Teixeiro puedan cambiar.

"Quizás non consigamos que gañen pero alomenos terán coseguido o noso recoñecemento, necesítano e meréceno".

¡¡Vota Chicass 10!! Nós, xa o fixemos!!

¡¡Difunde esta mensaxe!!.

Resolución da convocatoria de Clubs de Lectura

2009-01-04T10:25:00.000-08:00

A Consellería de Educación e Ordenación Universitaria acaba de anunciar na súa páxina web a resolución da convocatoria dos Clubs de Lectura 2008-2009 para centros de ensino secundario.

Imaxe vía Flickrcc.

Xuntanza co Xefe do gabinte da Consellería de Educación

2008-12-09T10:10:00.000-08:00

Xuntanza co Xefe do gabinete da Conselleira de Educación, Juan Carlos Porrúa o 3-XII-08. Por AGABEL estivemos a Vicepresidenta (Loly Lago) e o Presidente (Antonio Martínez)

Durante 75 minutos intensos o Xefe do Gabinete da Consellería estivo escoitando a nosa valoración da situación actual das Bibliotecas Escolares de Galicia e as nosas propostas para que continúen mellorando. Ademais fixémoslle entrega dunha carpeta con documentación relativa ás nosas propostas.

Abordamos os seguintes puntos:
1.- Situación actual, avances nos últimos anos.

2.- Necesidade de regular un modelo de Biblioteca (tomou nota e o considerou lóxico, razoable e posible, mediante unha Orde)

3.- Reclamación da existencia da figura do responsable da Biblioteca Escolar con formación e dedicación horaria suficiente.

Comentóuselle as palabras da Conselleira do pasado día 24 de novembro en Ames onde afirmou que no borrador do Regulamento Orgánico de Centros figura o recoñecemento deste cargo e a súa redución horaria (nalgúns casos) ata metade da xornada lectiva. Tomou nota e comentou que en XII-08 no borrador do Regulamento Orgánico de Centros que manexa a Consellería figura a equiparación da figura do Responsable da Biblioteca Escolar co dos Xefes de Departamentos Didácticos (tanto para E.Primaria como E. Secundaria), cun desconto da carga lectiva de tres horas (entendemos que ademais das complementarias). Desculpou o erro da Conselleira. Amosamos a nosa ledicia pero afirmamos que é paso adiante posto que aínda quedaría moito por facer neste asunto (descompensación entre funcións asignadas na normativa e tempo para facelas)

4.- Reclamamos a existencia dun Equipo de Apoio á Biblioteca con dedicación horaria suficiente (tomou nota)

5.- Reclamamos a continuidade e extensión do Plan de Mellora de Biblioteca Escolares. Para o curso 2009/10 está garantido, cun incremento orzamentario do entre o 10 e o 15%. Máis alá non se pode (loxicamente) comprometer.

6.- Reclamamos a necesidade de que a Consellería conte con mobiliario axeitado para as Bibliotecas Escolares. Tomou notas moi concretas para informarse e avanzar nesta liña.

7.- Reclamamos o aumento das superficies mínimas para as Bibliotecas Escolares contempladas nos Reais Decretos (tomou nota)

8.-Reclamamos o recoñecemento administrativo do labor desenvolvido polas persoas responsables das Bibliotecas Escolares (Tomou nota)

9.- Pedimos a ampliación a todos os Centros de Formación do Profesorado da Asesoría de Bibliotecas Escolares, o aumento do número de persoas no servizos centrais e un aumento da súa capacidade de xestión e decisión. Respondeunos que para o ano 2009 non haberá ningún incremento de persoal.

Finalmente garantiunos que a Conselleira nos recibirá en xaneiro-febreiro e que para entón nos comunicará que en varios destes temas xa haberá algunha noticia.

Foi unha charla intensa e agrable. Saímos coa sensación de ser escoitados, comprendidos e de que as nosas propostas/reclamacións serán seriamente estudadas. Pareceunos un interlocutor válido.

Nova publicación do Consello Escolar do Estado

2008-11-28T10:55:00.000-08:00

O número 8 da revista Participación Educativa do Consello Escolar do Estado, está dedicado a "La lectura prioridad educativa: todos hacemos lectores".

Podes descarlo desde aquí.

O Ministerio investirá 600.000 nas Bibliotecas Escolares de Galicia

2008-11-25T03:19:00.000-08:00

Nova de hoxe en La Voz de Galicia.

A noticia na Televisión de Galicia.

Obama as bibliotecas escolares e a lectura

2008-11-22T10:21:00.000-08:00

Grazas a unha das nosas socias coñecimos esta entrada do Rincón bibliotecario no que se conta un discurso do senador Obama en 2005:

"La lectura" -insiste y remacha algo más adelante, sin titubeo alguno-, "es la competencia fundamental que hace el resto del aprendizaje posible, desde los problemas complejos con palabras y el significado de nuestra historia hasta los descubrimientos científicos y la excelencia tecnológica. Y, a propósito, es lo que se requieren para hacernos verdaderos ciudadanos", porque es cierto que hay que añadir la dimensión política de la lectura a su dimensión instrumental."

Xuntanza co Subdirector Xeral de Centros

2008-11-21T08:12:00.000-08:00

A xeito de acta da xuntanza mantiva o mércores 12 de novembro, polo Presidente e a Vicepresidenta de AGABEL co Subdirector Xeral de Centros, D. Carlos Encisa.

Foi unha reunión nun ambiente distendido na que se falaron de todos os temas que nos preocupan aos docentes que estamos á fronte das nosas bibliotecas escolares e que dende AGABEL levamos reclamando dende hai anos.

Unha reunión que poderíamos dividir en dúas partes, na primeira comezamos solicitando mobiliario específico (continúa vendo posiblidades de incluilo no cat´çalogo da Consellería), reclamamos a necesidade urxente dunhas indicacións á inspección educativa e ás direccións dos centros no sentido de que as horas de adicación á nosa labor na biblioteca non dependa da “boa vontade” de ninguén. Recordamos a falta de asesores en algúns dos CFRs, a necesidade de aumentar o número de persoas da Asesoría, o recoñecemento do noso traballo á hora de concursos de tralados, cátedras, etc. Tamén salientamos a necesidade de que a administración de Galicia mellore os decretos que regulan os espazos mínimos das bibliotecas escolares (total para os poucos centros que se van construir no futuro…) En definitiva, reivindicamos todos e cada un dos apartados do ESCRITO que dende a nosa asociación se fixo chegar aos asistentes aos II Encontros de Bibliotecas Escolares.

Na segunda parte amosamos o noso “desencanto” polas esperanzas que tiñamos postas na labor que dende esta administración se faría en prol das Bibliotecas Escolares galegas, e que o único que vemos é unha continuación do que xa existía, xa que, e coa excepción das dúas convocatorias para a creación de clubes de lectura, non hai nada novo no noso “escuro” panorama das Bibliotecas Escolares. Neste sentido, solicitamos do Sr. Subdirector que nos facilitase unha entrevista coa conselleira de Educación, posto que a diferencia do anterior conselleiro nunca nos recibíu, para formularlle como veíamos nós a situación actual das bibliotecas escolares así demandar actuacións futuras e coñecer cales son os plans do actual equipo da consellería. Así mesmo comentámoslle que estabamos a solicitar entrevistas cos distintos grupos parlamentarios (neste caso para que introduzan as B. E. nos seus programas electorais) e co Consello Escolar de Galicia (e neste caso para que fagan un seguimento relacionado coas B.E. no o novo (¿) ROC).
Para rematar preguntámoslle pola súa impresión e a da Conselleria dos anteriormente mencionados encontros.

Que conclusións tiramos da xuntanza: nada novo. Poderase avanzar algo e a medio prazo no tema do mobiliario para novos centrose no recoñecemento administrativo.

Polémica na Comunidade de Madrid

2008-11-16T10:47:00.000-08:00

Nas últimas semanas os bibliotecarios-as están en pé de guerra coa Consejería de Educación. Máis información aquí.

Convocatoria de Clubs de Lectura

2008-11-02T05:19:00.000-08:00

Segundo nos informan desde a Asesoría de Bibliotecas Escolares, a Consellería de Educación acaba de publicar a convocatoria de Clubs de Lectura. É unha magnífica oportunidade para darlle visibilidade ao traballo das Bibliotecas Escolares nos centros e nas nosas comunidades. Estade atentos e atentas ás datas da convocatoria.

O Ministerio convoca axudas sobre a lectura e as bibliotecas escolares

2008-09-15T23:37:00.000-07:00

Ao igual que fixo no 2007, o Ministerio vén de convocar pola Orde /2576/2008, de 3 de setembro, "ayudas para la elaboración de materiales didácticos que desarrollen la comprensión lectora en diferentes áreas y materias del currículo y para la realización de estudios sobre lectura y bibliotecas escolares" no BOE do 12 deste mes.

É unha oportunidade magnífica que non hai que deixar pasar.

Lembrar que na anterior convocatoria dúas persoas de AGABEL formaron un equipo con compañeiros e compañeiras doutras comunidades para desenvolver o proxecto "Modelo de diagnóstico de la biblioteca escolar y sus usos" que conta cunha axuda de 40.000 euros.

Resolución do Plan de Mellora para o curso 2008-2009

2008-09-05T05:12:00.001-07:00

No Diario Oficial de Galicia publícase hoxe a resolución da Convocatoria do Plan de Mellora de Bibliotecas Escolares para o curso 2008-2008.

AGABEL desexa dar a noraboa a todos os centros seleccionados e felicitar aos docentes que co seu traballo e compromiso acadaron este éxito.

Máster en Promoción da Lectura

2008-08-05T00:05:00.000-07:00

A Universidade de Alcalá de Henares (UAH), o Instituto de Postgrado de Estudios Culturales e de Comunicación (IPECC) e a Fundación Germán Sánchez Ruipérez (FGSR) poñen en marcha, un ano máis, o Máster en Promoción da Lectura, un curso co que se pretende formar profesionais no deseño, dirección e xestión da promoción da lectura.
Más información en www.ipecc.net.

Actividades formativas para o curso 2008-2009

2008-08-02T13:41:00.000-07:00

Os centros de Formación e Recursos de Galicia xa convocaron as actividades formativas para o curso 2008-2009 relacionadas coas Bibliotecas Escolares:

A CORUÑA
ACTIVIDADE: Biblioteca escolar: os proxectos de traballo (Educación documental I)MODALIDADE: Curso. TEMPORALIZACIÓN: 1º trimestre

LUGO
ACTIVIDADE: Biblioteca escolar, espazo para a lectura -I MODALIDADE: Curso. TEMPORALIZACIÓN: 2º trimestre

ACTIVIDADE: Investigación documental na biblioteca escolar, a través das TIC (Educación documental -II) MODALIDADE: Curso. TEMPORALIZACIÓN: 1º trimestre

ACTIVIDADE: Proxectos Lectores. Biblioteca Escolar, espazo para a lectura - II. MODALIDADE: Curso. TEMPORALIZACIÓN: 2º trimestre

OURENSE
ACTIVIDADE: Biblioteca Escolar: os proxectos de traballo (Formación de Usuarios, nivel I)MODALIDADE: Curso. TEMPORALIZACIÓN: 15/10/2008 - 04/12/2008

ACTIVIDADE: Proxectos lectores en educación primaria. Biblioteca escolar, espazo para a lectura - IIMODALIDADE: Curso. TEMPORALIZACIÓN: 12/01/2009 - 06/02/2009

ACTIVIDADE: Proxectos Lectores. Biblioteca Escolar, espazo para a lectura - IIMODALIDADE: Curso. TEMPORALIZACIÓN: 12/01/2009 - 06/02/2009

PONTEVEDRA
ACTIVIDADE: Biblioteca escolar, centro de recursos da información - nivel I. MODALIDADE: Curso. TEMPORALIZACIÓN: 1º trimestre

ACTIVIDADE: Proxectos Lectores. Biblioteca Escolar, espazo para a lectura -II. MODALIDADE: Curso. TEMPORALIZACIÓN: 2º trimestre

VIGO
ACTIVIDADE: Biblioteca escolar: os proxectos de traballo (Educación documental I)MODALIDADE: Curso.TEMPORALIZACIÓN: 1º trimestre

SERVICIOS CENTRAIS
ACTIVIDADE: Bibliotecas escolares. Uso didáctico. MODALIDADE: Distancia. EMPORALIZACIÓN: 2º trimestre

ACTIVIDADE: Encontro dos centros do plan de mellora de bibliotecas escolares 2008 - 2009. MODALIDADE: Encontros. TEMPORALIZACIÓN: 2º trimestre

ACTIVIDADE: II Encontros de bibliotecas escolares de Galicia 2008. MODALIDADE: Encontros. TEMPORALIZACIÓN: 1º trimestre